Rusiya Mərkəzi Bankı (Rusiya Bankı) martın 4-dən etibarən vətəndaşlardan (fiziki şəxslər) birjada dollar, avro və funt sterlinq aldıqda tutulacaq komissiyanı 30%-dən 12%-ə endirib.
"APA-Economics"in Rusiya mətbuatına istinadən verdiyi xəbərə görə, bu barədə Rusiya Bankının açıqlamasında deyilir.
"Rusiya Bankı vəziyyəti əlavə təhlil edərək, bazarda rəqabət şəraitini bərabərləşdirmək və maliyyə sabitliyini qorumaq üçün 4 mart 2022-ci il tarixindən etibarən fiziki şəxslər üçün brokerlər vasitəsilə xarici valyutanın alınması üzrə əməliyyatlar üzrə komissiyanı 30%-dən 12%-ə endirir, hüquqi şəxslər üçün əməliyyat məbləğinin 12%-i səviyyəsində komissiya müəyyən edib", - məlumatda deyilir.
Xatırladaq ki, bundan əvvəl Rusiya Bankının tapşırığına əsasən, 3 mart saat 09:00-dan etibarən brokerlər fiziki şəxslərin xarici valyutanın (ABŞ dolları, avro və funt sterlinq) alınması üzrə əməliyyatlarını yerinə yetirərkən əməliyyat məbləğinin ən azı 30%-i həcmində komissiya tutmalı idi.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
