“Neft-qaz sahəsində gəlirlərimiz 750 milyon manat azalacaq”.
APA xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında “Azərbaycan Respublikasının 2025-ci il dövlət büdcəsi haqqında” qanun layihəsinin müzakirəsi zamanı maliyyə naziri Samir Şərifov deyib.
Samir Şərifov bildirib ki, neft-qaz sektorunda gəlirlərimiz azalıb: "2025-ci ildə nəzərdə tutulan qiymət proqnozları əsasında gəlirlərimiz neft-qaz sektorunda 750 milyon manat məbləğində azalacaq. Bu, 2023-cü illə müqayisədə daha təsirli rəqəmdir. Söhbət 2,5 milyard manatdan artıq məbləğdən gedir. Şübhəsiz ki, bunun bir sıra səbəblər var. Gəlirlərin azalması neft yataqlarının tükənməsi ilə əlaqədardır: “Çünki illərlə onlar istismar olunmaqdadır”.
Nazir deyib ki, bununla əlaqədar hökumət digər addımlar atmaqdadır: “Qeyri-neft sektorunda müsbət dəyişikliklər baş verməkdədir. Biz istədiyimiz həcmə nail olmamışıq. Qeyri-neft sektorundan 960 milyon manat daxilolamalarımız var. Neft Fondunun transfertini bütün bu gəlirlərdən çıxdığımız təqdirdə gəlirlərimiz ötən illə müqayisədə 200 milyondan çox artıb”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
