Bakı. Pərviz Nuriyev - APA-Economics. “Muğanbank” ASC Saatlı və Bərdə şəhərlərində iki yeni filial açaraq regionlarda xidmət şəbəkəsini genişləndirib.
Bankdan “APA-Economics”ə verilən məlumata görə, yeni açılmış filiallarda müştərilərə hər növ bank xidmətləri təqdim olunur.
Son zamanlar “Muğanbank”-ın regionlarda xidmət şəbəkəsinin sayı artaraq 15-ə çatıb. Yeni filialların açılması ilə “Muğanbank” regionlarda yaşayan əhalinin müxtəlif bank xidmətlərindən yararlanmasına şərait yaradır.
Filillarda fiziki və hüquqi şəxslərə hesab açılması, depozitlərin qəbulu, kreditlərin rəsmiləşdirilməsi, bank kartlarının sifarişi, hesablaşma-kassa əməliyyatları, təcili pul köçürmələri və digər bank xidmətləri təklif edilir.
Yeni açılmış Saatlı filialı Saatlı şəhəri, Heydər Əliyev prospekti, 207 D ünvanında, Bərdə filialı isə Bərdə şəhəri, Nizami küçəsində fəaliyyət göstərir.
“Muğanbank” ASC 1992-ci ildə fəaliyyətə başlayıb. Hal-hazırda bankın ölkə ərazisində 33 filialı və 6 şöbəsi, həmçinin Moskva şəhərindəki nümayəndəliyi müştərilərə hər növ bank məhsulları üzrə xidmət göstərir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
