Bakı – APA-Economics. Azərbaycanın «Bank of Baku» ASC-nin «Bolkart» kredit kartı çox yaxında «MasterCard» loqosu ilə dövriyyəyə buraxılacaq və bu cür «Bolkart» sahibləri «MasterCard»ın bütün üstünlüklərinə malik olacaq. Artıq «Bolkart» sahibləri yalnız ölkə daxilində deyil, xaricdəki ticarət mərkəzlərində də kartları ilə alış-veriş edə bilərlər.
Bankdan «APA-Economics»ə verilən məlumata görə, «Bolkart» istifadəçiləri aşağıdakı üstünlükləri əldə edəcəklər: ölkədə və ölkədən kənarda istənilən ticarət subyektində alış-veriş, internetdə «MasterCard» loqosu olan istənilən onlayn mağazada alış-veriş, «MasterCard» loqolu «Bolkart»lar xüsusi çiplə təmin ediləcək və bunun sayəsində POS-terminal ilə əməliyyatlar daha təhlükəsiz, sürətli və rahat aparılacaq.
Hazırda «Bank of Baku»ya toplam olaraq 250 minə yaxın kart məxsusdur və bu kartların 100 mindən çoxunu «Bolkart» təşkil edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
