Bu ilin yanvarında bankların filiallarının sayı artıb.
"APA-Economics" Maliyyə Bazarlarına Nəzarət Palatasının (MBNP) açıqladığı statistikaya istinadən xəbər verir ki, yanvar ayında 2 bank filialı fəaliyyətə başlayıb.
Belə ki, əgər ötən ilin dekabrında ölkədə bankların filiallarının sayı 509 olubsa, cari il yanvarın sonunda bu göstərici 511-ə yüksəlib. Yanvarda bankların filiallarının sayı 2 ədəd artıb.
Hesabat dövründə bank şöbələrinin sayında dəyişiklik qeydə alınmayıb. Belə ki, bu il fevralın 1-nə şöbələrin sayı 142 olub.
Banklar tərəfindən quraşdırılan bankomatların (ATM) sayı isə ötən ilin sonu ilə müqayisədə bu il 8 ədəd artaraq 2431-dən 2439-a yüksəlib.
Qeyd edək ki, cari ilin yanvar ayında ölkədə 30 bank fəaliyyət göstərib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
