MDB

Ana səhifə

MDB

“İki sahil” qəzeti Neft Daşlarının 60 illik yubileyinə həsr olunmuş xüsusi buraxılış nəşr edib

05 noyabr 2009 12:11 (UTC +04:00)

Bakı. Elnur Məmmədli-APA. “İki sahil” qəzeti Neft Daşlarının 60 illik yubileyinə həsr olunmuş xüsusi buraxılış nəşr edib. Qəzetin redaksiyasından APA-ya daxil olan məlumata görə, rəngli, illüstrativ materiallardan geniş istifadə olunan 40 səhifəlik xüsusi buraxılış Heydər Əliyev və prezident İlham Əliyevin Neft Daşları barədə fikirləri ilə başlayır. Xüsusi buraxılışda ARDNŞ-in prezidenti Rövnəq Abdullayevin “Neft Daşlarının 60 illiyi Azərbaycan neft-qaz sənayesinin və bütün xalqımızın bayramıdır” adlı yazısı dərc edilib. Buraxılışda həmçinin ARDNŞ-in birinci vitse-prezidenti, akademik Xoşbəxt Yusifzadənin “Neft Daşları sınaq meydanıdır”, ARDNŞ-in iqtisadi məsələlər üzrə vitse-prezidenti Süleyman Qasımovun ““Neft daşları” NQÇİ-nin ilk azərbaycanlı baş mühasibi”, ARDNŞ-in vitse-prezidenti Mikayıl İsmayılovun “Neft Daşları: Neft sənayesi üçün kadr potensialı yetişdirən böyük məktəb” və digər məqalələrdə Neft daşlarının tarixi və bu günü ilə bağlı məqamlar öz əksini tapıb.