MDB

Ana səhifə

MDB

Ukrayna parlamentində əlbəyaxa dava gedir, zala tüstü bombası atılıb, qarşıdurma şiddətlənir - FOTOSESSİYA

Ukrayna parlamentində əlbəyaxa dava gedir, zala tüstü bombası atılıb, qarşıdurma şiddətlənir - <font color=red>FOTOSESSİYA</font>

27 aprel 2010 09:59 (UTC +04:00)

APA-nın “UNİAN”a istinadən verdiyi məlumata görə, yerli vaxtla saat 10-da Ali Radanın sədri Vladimir Litvin zala daxil olaraq rəyasətdəki yerinə oturarkən müxalifətçi millət vəkillərin tərəfindən yumurta atəşinə tutulub. Mühafizəçilər çətirlə sədri yumurtalardan qorumağa çalışıblar. V. Litvin plenar iclası açıq elan edib və qeydiyyat başlayıb. Lakin zalda 211 millət vəkili qeydiyyatdan keçib və yetərsay üçün tələb olunan 226 nəfərin olmadığı açıqlanıb.

“Yuliya Timoşenko” və “Bizim Ukrayna-Xalq Özünümüdafiəsi” bloklarının deputatları öz üzvlərinin oturduğu sıraların önünü tıxayıblar. Sazişin ratifikasiyasına səs vermək istəyən 3 müxalifətçi deputatın yeri bayraqlarla qapadılıb. Zalda “Ukraynanın satılmasına imkan verməyəcəyik!”, “Vətənə xəyanətə - yox!”, Deputat, Ukraynanı satma!“ sözləri yazılmış şüarlar yerləşdirilib.

Hakimiyyətdəki Regionlar Partiyasının (RP) deputatları isə tribunanın qarşısına toplaşıb. RP-nin üzvü Yevgeni Tsarkov SSRİ Hərbi Dəniz Donanmasının bayrağını kürəyinə bağlayıb.

Parlamentin hökumət lojasının yanında “Bizim Ukrayna-Xalq Özünümüdafiəsi” bloku ilə RP-nin deputatları arasında əlbəyaxa dava baş verib. RP-nin bəzi deputatları müxalifətçilər tərəfindən qapadılan sıralara girməyə və oradakı bayraqları çıxarmağa nail olublar. Kütləvi dava-dalaşın davam etdiyi xəbər verilir. V. Litvin iclası çətirlərin altında aparmağa çalışır.

Bir qədər sonra zal tüstülənməyə başlayıb. “Yuliya Timoşenko” blokunun deputatlarından birinin zala tüstü bombası atdığı xəbəri yayılıb. Bu blokdan isə deyiblər ki, bomba iqtidar deputatlarından biri tərəfindən atılıb.

“Bizim Ukrayna-Xalq Özünümüdafiəsi” blokunun deputatı İrina Geraşşenko ratifikasiyaya dair səsvermənin adbaad keçirilməsini istədiklərini deyib: “Biz israr edəcəyik ki, hər deputatın adbaad səs verməsi ilə bağlı Konstitusiya normasına əməl olunsun. Xalq Ukrayna ərazisinin necə təslim edildiyini görməlidir”. Xanım Geraşşenko razılaşmanın ratifikasiyasına kəskin müqavimət göstərəcəklərini vurğulayıb. O bildirib ki, aprelin 25-də Ali Radanın iki komissiyası – Avropa inteqrasiyası və xarici işlər üzrə komissiyalar bu sazişin ratifikasiyasının Konstitusiyaya zidd olduğuna dair rəy veriblər. Milli təhlükəsizlik üzrə komissiyada isə səslər bölünüb.

Hazırda Ali Radanın qarşısında müxalifət tərəfdarlarının etiraz aksiyası keçirilir.

Qeyd: Fotolar “Ukrainskaya pravda” portalından götürülüb.

Ukrayna_qara_dəniz