MDB

Ana səhifə

MDB

Viktor Yuşşenko Ukraynanın qəsb edildiyini bildirib, müxalifət üsyandan danışmağa başlayıb

27 aprel 2010 10:47 (UTC +04:00)

APA-nın “UNİAN”a istinadən verdiyi məlumata görə, V. Yuşşenko bildirib ki, Ali Radada baş verənlər hərbi uzurpasiyadır: “Mən əminəm ki, bununla son nöqtə qoyulmayacaq. Bu, ictimai konsolidasiya üçün əsas təşkil edəcək”.

Parlamentin müxalifət fraksiyalarının deputatları isə öz qüvvələrini birləşdirdiklərini və hakimiyyətlə mübarizəyə hazır olduqlarını açıqlayıblar. “Bizim Ukrayna-Xalq Özünümüdafiəsi” blokunun nümayəndəsi Vladimir Aryev müxalifətin heç vaxt olmadığı qədər birləşdiyini bəyan edib: “Hesab edirəm ki, Regionlar Partiyasının bugünkü heyvani davranışı cəmiyyətdə müvafiq reaksiya doğuracaq və Ukrayna üsyana qalxacaq”.

“Bizim Ukrayna-Xalq Özünümüdafiəsi” blokunun deputatı Vyaçeslav Kirilenko isə deyib ki, hakimiyyət bununla dayanmayacaq və milli maraqları satmağa davam edəcək. O hesab edir ki, artıq köhnə metodlar nəticə vermir və müxalifət adekvat müqavimət ortaya qoymalıdır: “Bu gün bəlli oldu ki, ziyalı üsullarına onlar ziyalılıqdan uzaq cavab verəcəklər. Ona görə, biz də adekvat fəaliyyətə başlamalıyıq”. V. Kirilenko ratifikasiyaya dair səsvermənin saxtalaşdırıldığını da söyləyib. Onun sözlərinə görə, səsvermə zamanı zalda yetərsay üçün tələb olunan 226 millət vəkili yox idi.

Ukrayna_donanma