Bakı. Anaxanım Hidayətova – APA. Moskvada Rusiyanın müdafiə naziri Sergey Şoyqu və Ermənistanın müdafiə naziri Seyran Ohanyan arasında ikitərəfli görüş keçirilib. APA-nın “Armenia today” saytına istinadən verdiyi məlumata görə, Ermənistan Müdafiə Nazirliyi görüşdə strateji və operativ planlaşdırma məsələlərinin, cari ilin yekunlarının müzakirə olunduğunu, gələcək vəzifələrin müəyyənləşdirildiyini açıqlayıb. Nazirlər beynəlxalq və regional təhlükəsizlik problemləri haqda da fikir mübadiləsi aparıblar.
Qeyd edək ki, S. Ohanyan Kollektiv Təhlükəsizlik Müqaviləsi Təşkilatı ölkələri müdafiə nazirlərinin növbəti iclasında iştirak edib.