Moskva. Fərid Əkbərov – APA. Rusiya ABŞ-ın Suriya münaqişəsinin həllinə dair beynəlxalq konfransa hazırlıq üçün rusiyalı nümayəndələrlə danışıqlardan imtina etməsi qərarından təəssüflənir. APA-nın Moskva müxbirinin məlumatına görə, bu barədə Rusiya xarici işlər nazirinin müavini Gennadi Qatilov “Twitter”dəki mikrobloqunda yazıb.
“Tərəfdaşlarımızın Suriya münaqişəsinin həllinə dair beynəlxalq konfransın çağırılmasını müzakirə etmək üçün Rusiya-ABŞ ikitərəfli görüşündən imtina etməsi bizdə təəssüf doğurur”.
“Rəsmi Moskva ümid edir ki, ABŞ Suriya münaqişəsinin həllinə dair beynəlxalq konfransa hazırlıqla bağlı rusiyalı nümayəndələrlə ikitərəfli görüşü təxirə salmasına baxmayaraq Cenevrə-2 konfransı üzrə öhdəliklərini yerinə yetirəcək”. bu bəyanatla isə Rusiya Xarici İşlər nazirliyinin xüsusi nümayəndəsi Aleksandr Lukaşeviç çıxış edib.
“Ən təcili tapşırıq Cenevrə-2 konfransının keçirilməsidir və biz ümid edirik ki, ABŞ bu konfransa hazırlıqla bağlı öz öhdəliklərini yerinə yetirəcək”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
