Bakı – APA. Rusiya Federasiyasında şaxtalı hava şəraiti 29 nəfərin ölümünə səbəb olub. APA-nın “RİA Novosti”yə istinadən verdiyi məlumata görə, ölüm hallarının çoxu Çelyabinsk vilayətində qeydə alınıb. Bu vilayətdə kəskin şaxtalar başladıqdan bəri donvurmadan 20 nəfər ölüb. Dekabrın 18-də Çelyabinskdə gecə -32 dərəcə, gündüz isə -22 dərəcə şaxta olub.
Rusiyada ən şiddətli şaxtalar Maqadan vilayəti və Çukotkada qeydə alınıb (-50 dərəcə). Kamçatka və Barnaulda -40 dərəcə, Tomsk vilayətində -38 dərəcə şaxta müşahidə olunur.
İnsanların müxtəlif vasitələrlə evlərini qızdırmaq istəyərkən baş verən yanğınların statistikası da diqqəti cəlb edir. Fövqəladə Hallar Nazirliyindən “İnterfaks”a bildiriblər ki, ölkədə gündə 800-ə yaxın yanğın baş verir və bu yanğınlarda 70-ə yaxın adam ölür.
Kəskin soyuqlar nəqliyyatın hərəkətinə də mane olur. Rusiyanın müxtəlif yerlərində təyyarə və avtobus reysləri gecikir və təxirə salınır.
Paytaxt Moskva şəhərində dekabrın 18-i gecəsi -20 dərəcə şaxta olub.
Sinoptiklər kəskin şaxtaların dekabrın 23-nə qədər davam edəcəyini proqnozlaşdırır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
