Mədəniyyət siyasəti

Ana səhifə

Mədəniyyət siyasəti

Bakıda III Beynəlxalq Mstislav Rostropoviç Festivalının təntənəli açılış mərasimi keçirilib - FOTO

Bakıda III Beynəlxalq Mstislav Rostropoviç Festivalının təntənəli açılış mərasimi keçirilib - <font color=red>FOTO</font>

08 dekabr 2009 16:42 (UTC +04:00)

Bakı. Ülkər Qasımova – APA. Bu gün Azərbaycan Dövlət Filarmoniyasında III Beynəlxalq Mstislav Rostropoviç Festivalının təntənəli açılış mərasimi keçirilib. APA-nın məlumatına görə, tədbirdə çıxış edən mədəniyyət və turizm naziri Əbülfəs Qarayev festivalın önəmliliyindən danışıb və bu cür festivalın Azərbaycanda keçirilməsini böyük hadisə kimi qeyd edib. Mərasimdə Mstislav Rostropoviçin qızı Olqa Rostropoviç də çıxış edərək festival iştirakçılarına uğurlar diləyib.

Daha sonra açılış mərasimi bədii hissə ilə davam edib. Konsert proqramında baş dirijor Rauf Adbullayevin rəhbərliyi altında Üzeyir Hacıbəyli adına Azərbaycan Dövlət Simfonik Orkestri çıxış edib. Konsertdə solistlər Elçin Əzizov, Samir Cəfərovun ifasında O. Zülfüqarov “Mənim Azərbaycanım” uvertürası, Q. Qarayev, C. Hacıyevin “Vətən” operasından Mərdanın ariyası S. Raxmaninovun “Aleko” operasından Alekonun kavatinası, F. Əmirovun “Kürd ovşarı” simfonik muğamı, Ü. Hacıbəylinin “Koroğlu” operasından Koroğlunun ariyası, C. Puççininin “Turandot” operasından Kalafın ariyası, Q. Qarayev “İldırımlı yollarla” baletindən apofeoz səslənib. Tədbirdə eləcə də “Musiqi əsgərləri: “Rostropoviçin Rusiyaya qayıdışı” sənədli filminin nümayişi keçirilib.

Qeyd edək ki, III Beynəlxalq Mstislav Rostropoviç Festivalı Heydər Əliyev Fondu, Mstislav Rostropoviç Fondu və Mədəniyyət və Turizm Nazirliyinin birgə təşkilatçılığı ilə keçirilir. Festival dekabrın 14-dək davam edəcək.