Mədəniyyət siyasəti

Ana səhifə

Mədəniyyət siyasəti

Bəstəkarlar Heydər Əliyevi yad ediblər

11 dekabr 2009 08:45 (UTC +04:00)

Bakı. Ülkər Qasımova – APA. Azərbaycan Bəstəkarlar İttifaqının konfrans zalında Heydər Əliyevin xatirəsinə həsr edilmiş dəyirmi masa keçirilib. APA-nın məlumatına görə, dəyirmi masada çıxış edən Bəstəkarlar İttifaqının sədri, xalq artisti Firəngiz Əlizadə Heydər Əliyevin Azərbaycan mədəniyyəti və incəsənətinə çox böyük qiymət verdiyini və bu sahənin inkişafında danılmaz xidmətləri olduğunu vurğulayıb: “Heydər Əliyevin bir çox bəstəkarla şəxsi dostluq münasibətləri var idi. O, musiqi əsərlərini çox dərindən dərk edir, çox maraqlı fikirlər səsləndirirdi. Azərbaycan bəstəkarlarına xüsusi diqqət yetirirdi və məhz bu qayğının nəticəsində Azərbaycan bəstəkarlıq məktəbi inkişaf etmişdi. Heydər Əliyev istənilən sahədə fəaliyyət göstərsəydi, çox böyük uğur qazanacaqdı. Ancaq o siyasəti seçdi və uğurunu bu sahədə də sübut etdi”.

Bəstəkarlar Azər Rzayev, Eldar Mansurov, Sevda İbrahimova, Faiq Sücəddinov, Ramiz Zöhrabov, Ruhəngiz Qasımova və başqaları da H. Əliyevin xidmətlərindən danışıblar və mərhum dövlət başçısının Azərbaycan musiqi mədəniyyətinin inkişafında gördüyü işlərdən söhbət açıblar.

Daha sonra Heydər Əliyevlə bağlı xatirələr dinlənilib və ona həsr olunan musiqilər səsləndirilib.