Mədəniyyət siyasəti

Ana səhifə

Mədəniyyət siyasəti

MDB ölkələrinin humanitar əməkdaşlığı üzrə Dövlətlərarası Fondla TÜRKSOY arasında əməkdaşlıq sazişi imzalanacaq - FOTOSESSİYA

MDB ölkələrinin humanitar əməkdaşlığı üzrə Dövlətlərarası Fondla TÜRKSOY arasında əməkdaşlıq sazişi imzalanacaq - <font color=red>FOTOSESSİYA</font>

14 dekabr 2009 13:17 (UTC +04:00)

Moskva. Roman Ağayev – APA. Rusiyanın İTAR-TASS agentliyində MDB ölkələrinin humanitar əməkdaşlığı üzrə Dövlətlərarası Fondun İdarə Heyəti üzvlərinin mətbuat konfransı keçirilib. APA-nın Moskva müxbirinin məlumatına görə, mətbuat konfransında ilin yekunlarından və gələn ilin planlarından danışılıb.

İdarə Heyətinin həmsədri, Rusiya prezidentinin beynəlxalq mədəni əməkdaşlıq üzrə xüsusi nümayəndəsi Mixail Şvıdkoy fondun bu il MDB Gənclər İli də daxil olmaqla, bir sıra vacib tədbirlər keçirildiyini deyib. O, dekabrın 16-da MDB ölkələrinin humanitar əməkdaşlığı üzrə Dövlətlərarası Fondla türkdilli ölkələrin mədəniyyət təşkilatı – TÜRKSOY arasında saziş imzalanacağını açıqlayıb. M. Şvıdkoy gələn il əsas diqqətin Böyük Vətən müharibəsində qələbənin 65 illiyinə yönələcəyini, aprelin əvvəlində müharibənin yekunları ilə bağlı tarixçi və siyasətçilərin qatılacağı böyük beynəlxalq konfrans keçirməyi planlaşdırdıqlarını söyləyib.

İdarə Heyətinin üzvü, Azərbaycanın Rusiyadakı səfiri Polad Bülbüloğlu isə qısa müddət ərzində fondun çox effektiv çalışdığını, UNESCO ilə tərəfdaşlıq sazişinin imzalandığını, bu sənədə əsasən fondun bir növ UNESCO-nun regional nümayəndəliyi olduğunu bildirib. O, kitab və dərslik nəşri sahəsində fəaliyyətin önəminə diqqət çəkib. Səfir gələn il fondun xətti ilə Azərbaycanda bir sıra tədbirlərin, o cümlədən “Mədəniyyətlərin dialoqu” forumunun, Anton Çexovun 125 illiyi münasibətilə “Nikah” tamaşasının (Rusiya-Belarus) premyerasının keçiriləcəyini, həmçinin MDB Gənc Simfonik Orkestrinin çıxışının olacağını deyib. P. Bülbüloğlu 2010-cu il yanvarın 21-23-də Bakıda təşkil olunacaq “Rusiya-Azərbaycan: əməkdaşlıq üfüqləri” adlı Rusiya-Azərbaycan forumunun əhəmiyyətini də vurğulayıb.

Qeyd edək ki, MDB ölkələrinin humanitar əməkdaşlığı üzrə Dövlətlərarası Fondun illik büdcəsi 600 milyon rubldur.