Mədəniyyət siyasəti

Ana səhifə

Mədəniyyət siyasəti

Bakıda “İncəsənət əsərləri kiçik paketlərdə: Amerikadan rəssamların miniatür kitabları” mövzusunda sərgi təşkil edilib - FOTOSESSİYA

Bakıda “İncəsənət əsərləri kiçik paketlərdə: Amerikadan rəssamların miniatür kitabları” mövzusunda sərgi təşkil edilib - <font color=red>FOTOSESSİYA</font>

14 dekabr 2009 15:06 (UTC +04:00)

Bakı. Ülkər Qasımova – APA. Dekabrın 14-də Azərbaycan Rəssamlar İttifaqının Vəcihə Səmədova adına Sərgi Salonunda “Alüminium” IV Beynəlxalq Müasir İncəsənət Biennalesi çərçivəsində “İncəsənət əsərləri kiçik paketlərdə: Amerikadan Rəssamların Miniatür kitabları” mövzusunda sərgi təşkil edilib. APA-nın məlumatına görə, Filadelfiya rəssamları Suzan Riis Horvits və Robert Roiş tərəfindən təşkil olunmuş bu sərgidə 40 rəssamın yaratdığı qeyri-adi miniatür kitabları nümayiş etdirilib. ABŞ səfirliyinin təşkil etdiyi sərgidə, üç həftə ərzində Fulbrayt proqramının baş mütəxəssisləri qismində Təsviri İncəsənət Akademiyasının tələbələri ilə işləyən Horvits və Roişin rəsm əsərləri və heykəltəraşlıq nümunələri də təqdim olunur. Sərginin açılışında iştirak edən ABŞ səfirliyinin ictimaiyyətlə əlaqələr şöbəsinin rəhbəri Terri Devidson bildirib ki, Azərbaycandakı incəsənət sevərlər Amerika incəsənətinin bu müxtəlif aspektlərindən məmnun olacaqlarına ümid etdiyini vurğulayıb: “Birləşmiş Ştatlarda incəsənət mənzərəsinin müxtəlifliyi və zənginliyini təsvir edən hər hansı sərgi təşkil etmək mümkün deyil. Lakin biz, ölkənin hər yerindən 40 rəssamın əsərlərini çox kiçik paketlərdə gətirmək qərarına gəldik”.

Sərginin təşkilatçıları Horvits və Roiş isə qeyd ediblər ki, Birləşmiş Ştatlarda əksər rəssamlar Bakıda təşkil olunacaq sərgidə iştirak etməkdən çox məmnun idilər, çünki onların tanınmış Zərifə Salahovanın rəhbərlik etdiyi Bakının Miniatür Kitab Muzeyi haqqında təsəvvürləri var. Horvits bir daha vurğulayıb ki, Kaliforniyadan Nyu-Yorka kimi bütün rəssamlar və kitabsevərlər Bakını yalnız Xəzər dənizi sahilində bir paytaxt kimi deyil, həm də dünyanın miniatür kitablarının paytaxtı kimi tanıyırlar. Sərginin açılışında Azərbaycan Rəssamlar İttifaqının sədri, xalq rəssamı Fərhad Xəlilov, Azərbaycanda Miniatür Kitab Muzeyinin direktoru Zərifə Salahova və başqaları iştirak ediblər.

Tədbirin sonunda miniatür kitablar İçərişəhərdə yerləşən Miniatür Kitab Muzeyinə təqdim olunacaq. Sərgi dekabrın 18-dək nümayiş olunacaq.