Mədəniyyət siyasəti

Ana səhifə

Mədəniyyət siyasəti

Cəfər Cabbarlı adına Azərbaycan Dövlət Teatr Muzeyinin 75 illik yubileyi ilə əlaqədar təntənəli mərasim keçirilib – FOTOSESSİYA

Cəfər Cabbarlı adına Azərbaycan Dövlət Teatr Muzeyinin 75 illik yubileyi ilə əlaqədar təntənəli mərasim keçirilib – <font color=red>FOTOSESSİYA </font>

16 dekabr 2009 11:58 (UTC +04:00)

Bakı. Ülkər Qasımova – APA. Dekabrın 16-da Muzey Mərkəzində Cəfər Cabbarlı adına Azərbaycan Dövlət Teatr Muzeyinin 75 illik yubileyi ilə əlaqədar təntənəli mərasim keçirilib. APA-nın məlumatına görə, yubiley tədbirində Teatr Muzeyinin yaranma tarixinə və fəaliyyətinə həsr olunmuş saytın ilk variantının və kitabın təqdimatı da keçirilib.
Yubiley tədbirində çıxış edən mədəniyyət və turizm naziri Əbülfəs Qarayev Teatr Muzeyinin tarixinə nəzər salıb: “Cəfər Cabbarlı adına Azərbaycan Dövlət Teatr Muzeyi 1934-cü ildə yaradılıb. Şərqdə və Cənubi Qafqazda öz profilinə görə yeganə olan bu muzeyin yaradılmasında Bakı Teatr Texnikumunun direktor müavini, Bakı Türk İşçi Teatrının əməkdaşı, teatr xadimi Ağakərim Şərifovun böyük xidmətləri olub. O, 1920-ci ildən başlayaraq teatr tarixinə dair materialları toplamağa başlayıb, 1926-cı ildə Teatr Texnikumunun məzunları ilə Moskvada olarkən oradakı Teatr Muzeyinin direktoru Baxruşinlə görüşüb, ondan bu sahədə bir sıra məsləhətlər alıb. Bakıda Teatr Muzeyi yaratmaqla bağlı göstərdiyi təşəbbüsdə Azərbaycanın görkəmli ziyalıları və teatr korifeyləri ona böyük dəstək olublar. Bu xüsusda Əziz Şərifin, Cəfər Cabbarlının, Əzim Əzimzadənin, Sidqi Ruhullanın və başqalarının adını qürurla çəkmək olar. Beləliklə, 1927-ci ilin noyabrında keçmiş Tağıyev Teatrının binasında yerləşən Dram Teatrının foyesində muzeyin Sidqi Ruhullanın şəxsi arxivindən ibarət ilk sərgisi açılır. 1928-ci ildən 1934-cü ilə qədər teatr şöbəsi kimi fəaliyyət göstərən muzey 1934-cü ildə dövlət muzeyi statusu alır və noyabrın 25-də Azərbaycan Dövlət Teatr Muzeyinin açılışı olur. 1935-ci ildə muzeyə Cəfər Cabbarlının adı verilir”.
Nazir bu muzeyin yaradılmasının Azərbaycan xalqının yaşadığı ən çətin dövrlərə təsadüf etdiyini vurğulayıb: “O vaxtlar Sovet totalitarizm rejimi çərçivəsində formalaşan teatr incəsənəti böyük təzyiqlərin və ideoloji əsirlərin altında yaşayırdı. Artıq o dövrdə teatrın çox böyük bir tarixi var idi və onun saxlanılması, növbəti nəsillərə təqdim olunması böyük bir vəzifə idi”.
Yubiley tədbirində Müstəqil Həmkarlar İttifaqının Respublika Komitəsinin sədri Cəmilə Səttarova, Teatr Xadimləri İttifaqının sədri, əməkdar incəsənət xadimi Azər Paşa Nemət, Nizami adına Milli Azərbaycan Ədəbiyyatı Muzeyinin direktoru Rafael Hüseynov, Rəssamlar İttifaqının sədri, xalq rəssamı Fərhad Xəlilov və başqaları çıxış edərək Teatr Muzeyinin 75 illik tarixindən danışıblar. Yubiley tədbiri ədəbi-musiqili proqramla davam etdirilib.