Mədəniyyət siyasəti

Ana səhifə

Mədəniyyət siyasəti

Bakıda Kino Evi tikilir - FOTOSESSİYA

Bakıda Kino Evi tikilir - <font color=red>FOTOSESSİYA</font>

29 mart 2010 12:02 (UTC +04:00)

Bakı. Ülkər Qasımova-APA. Martın 29-da Azərbaycan Kinematoqrafçılar İttifaqında Bakıda tikintisinə başlanan Kino Evi ilə bağlı mətbuat konfransı keçirilib. APA-nın məlumatına görə, tədbirdə çıxış edən ittifaqın I katibi, xalq artisti Rasim Balayev təxminən əlli il əvvəl Azərbaycan Kinematoqrafçılar İttifaqının Bakıda Kino Evi tikməyə cəhd göstərdiyini bildirib: “Sahələr ayrıldı, layihələr hazırlandı, binalar təklif olundu. Amma bu və ya digər səbəbdən Kino Evinin tikintisi yenə də həyata keçmirdi. 2006-cı ilin dekabrında Azərbaycan prezidenti Kinematoqrfaçılar İttifaqıdının sdəri Rüstəm İbrahimbəyovu qəbul etdi və Azərbaycan kinosunun inkişafı ilə balı digər müxtəlif məsələlərə yanaşı, Bayılda “Kino Evi – Kinofestival Mərkəzi – Beynəlxalq Kino məktəbi” kompleksinin tikilməsi ideyasını müsbət qarşıladı. Bu məqsəd üçün Bakı şəhəri İcra Hakimiyyətinin sərəncamı ilə Səbayıl bələdiyyəsinin ehtiyat fondundan torpaq sahəsi qanunvericiliyə müvafiq olaraq alındı və dövlət qeydiyyatından keçdi”.

R. Balayev bildirib ki, “Kino Evi- Kinofestival Mərkəzi – Beynəlxalq Kino məktəbi” Kompleksinin yerləşdiyi Bayıl yamacından Bakı buxtası və müasir Bakının anfiteatr şəkilli panoramına görünüş açılır: “Bu günə qədər mürəkkəb geoloji təhqiqat işləri başa çatıb. Torpağın möhkəmləndirilməsi və ekoloji müdafiə məsələləri ilə bağlı ölçülmə sistemi hazırlanıb. 13 400 kvadmetr sahəsi olan kompleksdə 500 nəfərlik kinokonsert zalı, dünya kinosu muzeyi, sərgi salonları, yaradıcılıq emalatxanaları, restoran, təntənəli mərasimlər üçün banket və kiçik mehmanxana yerləşəcək. Kompleksin memarlığında Bakıda XIX əsrin sonu, XX əsrin əvvəllərində tikilmiş ən maraqlı binaların üslubundan istifadə olunub. Kompleks məktəblilər və onlardan yaşlı gənc insanların kino aləmi ilə çulğalaşması, bütün kino peşələri üzrə ümummədəni, maarifləndirici səviyyədən tutmuş, yüksək peşəkar həddə qədər kino təhsili alması məqsədi ilə yaradılan iri mədəni-tədris mərkəzi olacaq. Kinofestival kompleksi “Şərq- Qərb Beynəlxalq Kinofestivalının münsiflər heyətinin, qonaqların yerləşdirilməsi və müsabiqə baxışlarının keçirilməsi üçün nəzərdə tutulub”.

Tədbirdə çıxış edən Kinematoqrafçılar İttifaqının sədri, xalq yazıçısı Rüstəm İbrahimbəyov bildirib ki, Kino Evinin tikintisi üçün dövlət heç bir pul xərcləmir: “Artıq dünən Kino Evinin birinci binasının bünövrəsinin əsasını qoymuşuq. Maneələr olmasa, tikinti işlərini iki il müddətinə başa çatdırmağı nəzərdə tuturuq. Bizim bir istəyimiz var ki, bu işi görməkdə bizə mane olmasınlar. Qoysunlar, rahat işimizi görək. Hökumət bu işə bir qəpik də olsun pul ayırmayıb. Şəhərdə də görürük ki, hökumət çoxsaylı tikintilər aparır. Artıq 5 milyon xərcimiz çıxıb və hələ təxminən 15-20 milyon manat da xərcimiz var. Kino Evinin tikintisi xarici sərmayədarlara həvalə olunub”.