Mədəniyyət siyasəti

Ana səhifə

Mədəniyyət siyasəti

“MaNga” qrupunun vokalçısı Fərman Akgül səhhətindəki problemlərə görə Bakıya gələ bilməyib-FOTOSESSİYA

“MaNga” qrupunun vokalçısı Fərman Akgül səhhətindəki problemlərə görə Bakıya gələ bilməyib-<font color=red>FOTOSESSİYA</font>

09 may 2010 13:50 (UTC +04:00)

APA-nın məlumatına görə, ötən gün ölkəmizə gələn qrup üzvləri bu gün İctimai Televiziya və Radio Verilişləri Şirkətində “Eurovision-2010” verilişinin qonağı olublar.

Ötən həftə elə məşq zamanı vəziyyəti pisləşən və səhhətindəki problemlərə görə xəstəxanaya yerləşdirilən qrupun solisti və vokalçısı Fərman Akgül Azərbaycana səfərdə iştirak edə bilməyib. Qrup üzvləri APA-ya verdikləri müsahibədə Fərman Akgülün özünü yaxşı hiss etdiyini, yarışa qədər tam sağalacağını bildiriblər: “Fərman hazırda xəstəxanadadır, ancaq özünü nisbətən yaxşı hiss edir. Hazırda reanimasiyadan çıxıb və palatada müalicə olunur. Azərbaycana gəlməyi çox istəyirdi, ancaq qismət deyilmiş. Yarışmadan sonra hamımız birgə Azərbaycanda konsert vermək niyyətindəyik”.
İlk dəfə Bakıya gələn “MaNga” qrupu Azərbaycanda olmalarından fərəh hiss keçirdiklərini də deyiblər: “Bu, bizim Azərbaycana ilk səfərimizdir. Ancaq bu zamana kimi biz dəvət olunmamışıq. Bura gələnə kimi bu qədər sevildiyimizi də bilmirdik. Bu gün gördük ki, burada çoxsaylı pərəstişkarlarımız var. Bu da bizi çox sevindirir və konsert verməyə həvəsləndirir ”.

Türkiyənin müsabiqə təmsilçiləri mayın 27-də Avropa tamaşaçıları qarşısında çıxışa xüsusi hazırlaşdıqlarını da deyiblər.

Xatırladaq ki, Bakı səfərində “MaNga” qrupunun musiqiçiləri Özgür Can Öney, Yağmur Sarıgül, Cem Bəxtiyar və Efe Yılmaz iştirak edir.
Qeyd edək ki, “MaNga”nın Azərbaycan səfəri sabah, mayın 10-da başa çatacaq. “MaNga” qrupu 55-ci “Eurovision” müsabiqəsinin mayın 27-də keçiriləcək II yarımfinalda Türkiyə təmsilçisi olaraq finala çıxmaq uğrunda mübarizə aparacaq. Qrup müsabiqədə “We Could Be The Same” mahnısını ifa edəcək.