Mədəniyyət siyasəti

Ana səhifə

Mədəniyyət siyasəti

I yarımfinaldan finala vəsiqə qazanan ölkə təmsilçilərinin mətbuat konfransı keçirilib – FOTO

I yarımfinaldan finala vəsiqə qazanan ölkə təmsilçilərinin mətbuat konfransı keçirilib – <font color=red>FOTO</font>

26 may 2010 02:49 (UTC +04:00)

Oslo. Ülkər Qasımova – APA.Mayın 25-də Norveçin paytaxtı Oslonun “Telenor Arana”sında keçirilən I yarımfinalda iştirak edən 17 ölkədən finala vəsiqə qazanan 10 ölkənin mətbuat konfransı keçirilib. APA-nın Norveçə ezam olunmuş müxbirinin məlumatına görə, finala vəsiqə qazanan hər ölkə təmsilçisinə iki sual ünvanlamağa icazə verilib. Bosniya və Hersoqovina Vukaşin Brajic təmsilçisi finalda daha gözəl perfomans nümayiş etdirəcəyini bildirib. Bu ölkə təmsilçisinin müsabiqədə favoriti Belçika təmsilçisidir.

Moldova təmsilçiləri Sunstroke Project & Olia Tira final vəsiqə qazandıqlarını eşidəndə ürəkləri çox sürətlə döyündüyünü açıqlayıblar: “Finala keçdiyimizi eşidəndə ürəyimiz çox sürətlə döyünməyə başladı. Bizim qalibiyyətimizin səbəbi mahnımızın energiyasıdır. Əgər müsabiqədə qalib gəlsək çox hündür mərtəbəyə qalxıb bu mahnını birgə ifa edəcəyik”.

Rusiya təmsilçiləri “Peter Naliç və dostları” səhnəyə çıxanda insanları, bayraqları gördükdən sonra mənəvi dəstək hiss etdiklərini deyiblər: “Bu bizə daha da qüvvət verdi. I yarımfinalda çıxış edən Moldova. Belarus və Belçika ən çox sevdiyimiz mahnılar sırasındadır”. Təmilçi Pyotr Naliç bildirib ki, onu Balkana bağlayan onun atasının balkanlı olmasıdır.

“Eurovision-2010” müsabiqəsində əsas favotirlərdən biri olan Yunanıstan təmsilçisi Giorgos Alkaios və dostları səhnədə olduğu müddətdə özünü çox xoşbəxt hiss etdiyini deyib. Təmsilçi ölkəsində baş verən siyasi durumların onun ifa etdiyi “Opa” mahnısının sevilməsinə heç bir problem yaratmayacaq: “Bu musiqi yaraşmasıdır və siyasi, iqtisadi durumun musiqinin sevilməsinə aiddiyyatı yoxdur. Yunanıstan dövləti ölkədəki heç bir problemə baxmayaraq “Eurovision” müsabiqəsini yüksək səviyyədə təşkil etmək bacarığındadır”.

Portuqaliya təmsilçisi Filipa Azevedo finala vəsiqə qazandığı üçün çox xoşbəxt olduğunu diqqətə çatdırıb: “Öz xalqıma mənə inandığı və arxa çıxdığı üçün təşəkkür edirəm”.

Belarus təmsilçiləri “3+2” qrupu müsabiqə üçün onlara yazılan mahnıya görə bəstəkar Maksim Fadeyevə təşəkkür ediblər: “Zal bütünlüklə dolu olmasa da biz çox isti hisslər hiss edirdik. Bilirdik ki, bütün Avropa. Belarus bizə tamaşa edir və bizi dəstəkləyir. Bu bizə yetərlidir”.

Serbiya təmsilçisi Milan Stankoviç bu gün I yarımfinalda çıxış edən hər bir iştirakçının möhtəşəm perfomans nümayiş etdirdiklərini deyib: “Ölkəmin mənə olan ümidlərini puç etmədiyim üçün çox xoşbəxtəm. İnanmıram ki, bir ölkə bu qısa müddətdə bir daha qalib olsun, ancaq mahnının layiqli eyr tutacağına inanıram. Bu cür fərqli bir mahnı təqdim etmək mənim üçün çox xoşdur”.

Belçika Tom Dice təmilçisi finala vəsiqə qazandığı üçün sevincdən hələ də çıxmadığını deyib: “Baxmayaraq ki, çıxışdan əvvəl çox həyəcanlı idim, ancaq bu həyəcanı içimdə boğdum. Çalışacağam ki, Belçikaya səs göndərən insanların sayı azalmasın, əksinə daha da artsın və ölkəm layiqli yer qazansın”.

Albaniya təmsilçisi Yuliyana Paşa və İslandiya təmsilçisi Hera Bjork yarımfinalın onlar üçün uğurlu olmasından məmnunluqlarını və sevinclərini diqqətə çatdırıblar. İslandiya təmsilçisi bildirib ki, ölkəsi bu müsabiqədə təmsil olunduğu müddətdə qalib olmayıb və o bu qalibiyyətin onun adı ilə bağlı olmasını arzulayır.

Hər finalçının çıxışından sonra finalda neçənci sıra nömrəsi ilə çıxış edəcəklərini müəyyənləşdirmək üçün nömrəçəkmə həyata keçirilib. Məlum olub ki, mayın 29-da keçiriləcək final konsertində Bosniya və Hersoqovina 6, Moldova 4, Rusiya 20, Yunanıstan 11, Portuqaliya 23, Belarus 9, Serbiya 8, Belçika 7, Albaniya 15, İslandiya isə 16-cı səhnəyə çıxacaq.