Mədəniyyət siyasəti

Ana səhifə

Mədəniyyət siyasəti

EBU 55-ci “Eurovision” müsabiqəsinin yarımfinal və final mərhələsinin nəticələrini təqdim edib - FOTO

EBU 55-ci “Eurovision” müsabiqəsinin yarımfinal və final mərhələsinin nəticələrini təqdim edib - <font color=red>FOTO </font>

30 may 2010 16:13 (UTC +04:00)

APA-nın Norveçə ezam olunmuş müxbirinin məlumatına görə, bağlanış mərasimində 55-ci “Eurovision” müsabiqəsinin yaddaqalan mahnıları, o cümlədən “Drip drop” mahnısını səslənib. Səhərə kimi davam edən bağlanış mərasimində 17 yaşlı Azərbaycan təmsilçisi Səfurə Əlizadə də beşincilik qazanmasını rəqs etməklə qeyd edib. Səfurə Əlizadədən fərqli olaraq “Eurpovision-2010” müsabiqəsində birincilik qazanan Almaniya təmsilçisi Lena bağlanış mərasimində qısa müddət iştirak edib, o, media mənsublarına açıqlama verdikdən sonra mərasimi tərk edib.

“Eurovision-2010” müsabiqəsi başa çatandan dərhal sonra Avropa Yayım Birliyi (EBU) həm yarımfinal, həm final mərhələsindəki ümumi nəticələri açıqlayıb. Məlum olub ki, mayın 25-də keçirilən I yarımfinalda verilən səslərə görə, birinci Belçika, ikinci Yunanıstan, üçüncü yerdə isə İslandiya qərarlaşıb.

Mayın 27-də keçirilən II yarımfinalda isə Türkiyə birinci, Azərbaycan ikinci, Gürcüstan isə üçüncü olub.

Final mərhələsində 246 bal toplayan Almaniya təmsilçisi Lena 55-ci “Eurovision” müsabqiəsinin qalibi olub. Müsabiqənin 2-si Türkiyə 170, 3-sü Rumıniya 162, 4-sü Danimarka 149, 5-si Azərbaycan 145, 6-sı Belçika 143, 7-si Ermənistan 141, 8-si Yunanıstan 140, 9-su Gürcüstan 136, 10-su Ukrayna 108 bal toplayıb.

“Eurovision-2010” müsabiqəsində Rusiya 90, Fransa 82, Serbiya 72, İsrael 71, İspaniya 68, Albaniya 62, Bosniya və Hersoqovina 51, Portuqaliya 43, İslandiya 41, Norveç 35, Kipr 27, Moldova 27, İrlandiya 25, Belarus 18 bal toplayıb.

55-ci “Eurovision” müsabiqəsinin 25 finalçısı arasında sonuncu isə 10 bal toplayan Böyük Brtinaiya olub.

Onu da vurğulamaq yerinə düşər ki, Azərbaycan təmsilçisinin bu müsabiqədə beşinciliyi məhz tamaşaçı səsverməsi nəticəsində qazanıb. Belə ki, bu ildən etibarən yenidən tətbiq olunan münsiflər heyətinin səsverməsində əsasən Almaniya səs alıb.

Qeyd edək ki, bu ilki müsabiqə qalibi 50 faiz tamaşaçı, 50 faiz isə münsiflərin səsinə əsasən seçilib.