Mədəniyyət siyasəti

Ana səhifə

Mədəniyyət siyasəti

Rəşid Behbudovun vəfatının 21-ci ildönümü ilə əlaqədar anım tədbiri keçirilib – FOTO

Rəşid Behbudovun vəfatının 21-ci ildönümü ilə əlaqədar anım tədbiri keçirilib – <font color=red>FOTO</font>

09 iyun 2010 15:04 (UTC +04:00)

Bakı. Ülkər Qasımova – APA. Görkəmli musiqiçi, xalq artisti Rəşid Behbudov vəfatının 21-ci ildönümündə anılıb. APA-nın məlumatına görə, anım tədbiri Fəxri Xiyabanda mərhumun məzarını ziyarətlə başlayıb. Mahnı Teatrında davam etdirilən tədbirdə Rəşid Behbudovun həyat yoldaşı Ceyran xanım, qızı Rəşidə Rəşid də iştirak ediblər.

Əməkdar artist Rəşidə Rəşid bu günün onun həyatına çox ağrılı tarix kimi yazıldığını qeyd edib: “21 il öncə bu gün mən atamı, Azərbaycan xalqı isə böyük sənətkarını itirib. Hər ilin bu günü mən bu ağrını keçirirəm. Təəssüf edirəm ki, atamla bərabər korifeylərimizə lazımi dəyər verilmir. İstərdim ki, korifeylərimiz üçün daha böyük işlər görülsün, hər zaman onların səsini radiolarımızdan, televiziya ekranlarımızdan eşidək. Gənc nəslin əsl musiqi eşitməsini və musiqi zövqlərinin məhz bu sənətkarların ifası ilə formalaşmasını arzulayırıq”.

Çıxışlardan sonra konsert proqramı keçirilib.

Xatırladaq ki, Rəşid Behbudov 1989-cu il iyunun 9-da Moskva şəhərində vəfat edib.