Mədəniyyət siyasəti

Mədəniyyət siyasəti

Əbülfəs Qarayev Gürcüstanın mədəniyyət nazirinin müavini Marine Coqoşvilinin rəhbərlik etdiyi nümayəndə heyətini qəbul edib – FOTO

Əbülfəs Qarayev Gürcüstanın mədəniyyət nazirinin müavini Marine Coqoşvilinin rəhbərlik etdiyi nümayəndə heyətini qəbul edib – <font color=red>FOTO </font>

21 iyun 2010 13:40 (UTC +04:00)

Bakı. Ülkər Qasımova – APA. Azərbaycanın mədəniyyət və turizm naziri Əbülfəs Qarayev Azərbaycanda səfərdə olan Gürcüstanın mədəniyyət, abidələrin mühafizəsi və idman nazirinin müavini Marine Coqoşvilinin rəhbərlik etdiyi nümayəndə heyətini qəbul edib. APA-nın məlumatına görə, görüşdə ikitərəfli əlaqələrin gələcək perspektivləri müzakirə olunub. Ə. Qarayev Gürcüstan nümayəndə heyətinin Azərbaycana səfərinin məqsədinin burada keçiriləcək Mədəniyyət Günləri ilə əlaqədar olduğunu vurğulayıb və iyunun 24-nə kimi davam edəcək tədbirlərdə nümayəndə heyətinə uğurlar arzulayıb. Görüşdə nazir bildirib ki, Gürcüstanla Azərbaycan arasında qarşılıqlı mədəniyyət günlərinin keçirilməsini gələn ildən etibarən yenidən təkrarlamaq lazımdır.
Gürcüstanın mədəniyyət, abidələrin mühafizəsi və idman nazirinin müavini Marine Coqoşvili isə Azərbaycanda olmalarına görə xoş hisslər keçirdiklərini bildirib, Mədəniyyət Günlərinin proqramına maraqlı tədbirlər salındığını diqqətə çatdırıb: “Bu səfər ərəfəsində eləcə də Azərbaycanla və Gürcüstan arasında iqtisadi əməkdaşlıq üzrə birgə Hökumətlərarası Komissiyalının beşinci Protokoluna əsasən Azərbaycan-Gürcüstan mədəniyyət üzrə Alt komissiyasının ikinci iclası da keçiriləcək. Mədəniyyət Günləri çərçivəsində gürcü rəssamının sərgisini, eləcə də Azərbaycan Dövlət Akademik Opera və Balet Teatrında çox tanınmış İ. Suxişvili və N. Ramişvili adına Gürcüstan Rəqs ansamblının konsertini, Bakı Caz Mərkəzində gürcü caz kollektivinin çıxışını “Biderman” tamaşasının nümayişini nəzərdə tuturuq”.
Görüşdə Ə.Qarayev və Marine Coqoşvili mədəniyyətin digər sahələrində də daha sıx əməkdaşlıq etmələrinin vacibliyini vurğulayıblar.