Mədəniyyət siyasəti

Mədəniyyət siyasəti

Azərbaycanda Gürcüstan Mədəniyyət Günlərinin açılışı keçirilib – FOTOSESSİYA

Azərbaycanda Gürcüstan Mədəniyyət Günlərinin açılışı keçirilib – <font color=red> FOTOSESSİYA </font>

22 iyun 2010 16:01 (UTC +04:00)

APA-nın məlumatına görə, Mədəniyyət Günləri Gürcüstanın tanınmış rəssamı Rusudan Petriaşvilinin sərgisinin nümayişi ilə start götürüb. Açılış mərasimində çıxış edən mədəniyyət və turizm nazirinin müavini Ədalət Vəliyev Azərbaycanda Gürcüstan Mədəniyyət Günlərinin keçirilməsini yüksək qiymətləndirib. Nazir müavini bildirib ki, ötən il Gürcüstanda keçirilən Azərbaycan Mədəniyyət Günləri də bu cür maraqla qarşılanıb. Onun sözlərinə görə, iyunun 24-nə kimi davam edəcək Mədəniyyət Günlərində Gürcüstan mədəniyyət və incəsənət xadimləri maraqlı proqramla çıxış edəcəklər. Açılış mərasimində Azərbaycanda səfərdə olan Gürcüstanın mədəniyyət. abidələrin mühafizəsi və idman nazirinin müavini Marine Çoqoşvili də Azərbaycanla qarşılıqlı əməkdaşlıqdan məmnunluğunu dilə gətirib.

Sərgisi keçirilən gürcü rəssam Rusudan Petriaşvili isə Azərbaycan izləyicilərinə təqdim olunan əsərlərin ilk dəfə nümayiş olunduğunu dilə gətirib: “Bu mənim Azərbaycanda ilk sərgimdir. Bir neçə gün bundan əvvəl Parisdən qayıtmışam. Orada mənim yaradıcılıq sərgim keçirildi. Bu sərgidə isə mənim 40-a qədər əl işim nümayiş etdirilir. Bu yaradıcılıq nümunələri bu zamana kimi heç bir yerdə sərgilənməyib. Bu əsərlərin ilk tamaşaçısı çox sevdiyim Azərbaycan sənətsevərləridir”. Rəssam bildirib ki, nümayiş olunan əsərləri kağız, ipək və kətan üzərində hazırlanıb. Gürcü rəssamın bu zamana kimi Vyana, Budapeşt, Madrid, London, Moskva, ABŞ və İsveçrə də sərgiləri təşkil olunub. Sərginin nümayişində mədəniyyət və turizm naziri Əbülfəs Qarayev də iştirak edib və nümayəndə heyətini təbrik edib.

Qeyd edək ki, Azərbaycan Gürcüstan Mədəniyyət Günləri iyunun 24-nə kimi davam edəcək.