Mədəniyyət siyasəti

Ana səhifə

Mədəniyyət siyasəti

Əbülfəs Qarayev Koreyanın və İraqın Azərbaycana yeni təyin olunmuş səfirləri ilə görüşüb – FOTO

Əbülfəs Qarayev Koreyanın və İraqın Azərbaycana yeni təyin olunmuş səfirləri ilə görüşüb – <font color=red>FOTO</font>

19 avqust 2010 07:54 (UTC +04:00)

Bakı. Ülkər Qasımova – APA. Mədəniyyət və turizm naziri Əbülfəs Qarayev Koreyanın Azərbaycana yeni təyin olunmuş səfiri Li Ciha ilə görüşüb. Mədəniyyət və Turizm Nazirliyinin mətbuat xidmətindən APA-ya verilən məlumata görə, görüş zamanı iki ölkə arasında klassik musiqi sahəsində əməkdaşlıq perspektivləri, qarşılıqlı mədəniyyət fəsillərinin keçirilməsi, turizm mübadiləsi, infoturların təşkili, hər iki ölkənin qədim abidələrinin bərpası və digər bu kimi məsələlər müzakirə edilib. Görüş zamanı
Ə. Qarayev Koreyanın mədəniyyət və turizm nazirlərini Azərbaycanla tanış olmaq məqsədilə ölkəmizə dəvət edib.
Ə. Qarayev eyni zamanda İraqın Azərbaycana yeni təyin olunmuş səfiri Heydər Şiyə Qubeyşi Əl-Barrak ilə görüşüb. Görüş zamanı iki ölkə arasında turizm sahəsində əməkdaşlıq, İraqın müqəddəs şəhərlərinə turizm səfərlərinin təşkili, hər iki ölkədə keçirilən festivallarda iştirak və digər bu kimi məsələlər müzakirə olunub. Ə.Qarayev İraqın incəsənət xadimlərini 2011-ci ildə Azərbaycanda keçiriləcək ikinci Beynəlxalq Muğam Festivalına, İraqın səfiri isə öz növbəsində Azərbaycanın incəsənət xadimlərini Riad və Babil beynəlxalq festivallarına dəvət edib. Görüşdə, İraq səfiri birgə təşkilatçılıq ilə Azərbaycanda İraq milli rəqsləri və moda nümayişinin keçirilməsini təklif edib. Bununla yanaşı, 13-15 oktyabr 2009-cu il tarixdə Bakıda keçirilmiş İslam Konfransı Təşkilatına üzv ölkələrin mədəniyyət nazirlərinin VI konfransında Nəcəf şəhərinin 2012-ci il üçün islam mədəniyyətinin paytaxtı seçilməsi Heydər Şiyə Qubeyşi Əl-Barrak tərəfindən xatırladılıb və Bakı şəhərinin bu sahədəki təcrübəsi nəzərə alınaraq, gələcəkdə Azərbaycanın təcrübəsindən istifadə etməklə qarşılıqlı görüşlərin keçirilməsi təklif olunub.