Mədəniyyət siyasəti

Mədəniyyət siyasəti

Lətif Kərimovun anadan olmasının ildönümü münasibətilə “Unudulmaz sənətkar” adlı sərgi-tədbir keçirilib

18 noyabr 2010 12:20 (UTC +04:00)

Bakı. Ülkər Qasımova – APA. Bu gün Lətif Kərimov adına Azərbaycan Xalçası və Xalq Tətbiqi Sənəti Dövlət Muzeyində Lətif Kərimovun anadan olmasının ildönümü münasibətilə “Unudulmaz sənətkar” adlı sərgi-tədbir keçirilib. APA-nın məlumatına görə, tədbirdə çıxış edən muzeyin şöbə müdiri Aygün Abbasova Lətif Kərimovun həyat və yaradıcılığından danışıb, onun Azərbaycan xalçaçılıq sənətinin inkişafında, dünyaya çatdırılmasında xüsusi rolunun olduğunu vurğulayıb.

Tədbirdə müəllifin 15 eskizi, həmçinin 12-16 fevral tarixlərində Parisdə UNESCO-nun iqamətgahında alimin 100 illik yubileyinə həsr edilmiş “Azərbaycan xalçası” və “Azərbaycan xalça sənəti” mövzusunda IV Beynəlxalq Simpozium üçün hazırlanaraq çap olunmuş iki cildlik “Lətif Kərimov fenomeni” adlı kitabın nümayişi həyata keçirilib. Sonra Lətif Kərimova həsr olunmuş “Ömrün naxışları” filmi təqdim olunub. Filmin nümayişindən sonra alimin ailə üzvləri ilə yanaşı, xalq rəssamı Eldar Mikayılzadə, xalçaçı-rəssam Məmmədhüseyn Hüseynov və digərləri öz xatirələrini bölüşüblər.