Mədəniyyət siyasəti

Ana səhifə

Mədəniyyət siyasəti

Bakıda “Türkdilli xalqların musiqi alətləri” mövzusunda beynəlxalq simpozium başlayıb - FOTOSESSİYA

Bakıda “Türkdilli xalqların musiqi alətləri” mövzusunda beynəlxalq simpozium başlayıb - <font color=red>FOTOSESSİYA</font>

16 dekabr 2010 08:45 (UTC +04:00)

Bakı. Ülkər Qasımova – APA. Azərbaycan paytaxtındakı Muzey Mərkəzində “Türkdilli xalqların musiqi alətləri” mövzusunda beynəlxalq simpoziumun açılışı keçirilib. APA-nın məlumatına görə, tədbir Azərbaycan Mədəniyyət və Turizm Nazirliyi, TÜRKSOY və Azərbaycan Musiqi Mədəniyyəti Dövlət Muzeyi tərəfindən birgə təşkil olunub.

Açılış mərasimində çıxış edən mədəniyyət və turizm naziri Əbülfəs Qarayev bildirib ki, simpoziumun əsas vəzifələri türkdilli xalqların musiqi alətlərinin ümumi və fərqli əlamətlərinin müəyyənləşdirilməsi, musiqi alətlərinin texnologiya və akustikası, ikonoqrafiya elementlərinin araşdırılması, bəstəkarlıq yaradıcılığında ənənəvi musiqi alətləri, türk xalqlarının musiqi alətlərinin kolleksiyalarının müəyyən edilməsi, yeni yanaşmalar və qiymətləndirmələr, yox olmuş alətlərin bərpası, mühafizəsi, pedaqogika və ifaçılıq məsələlərinin müzakirəsidir: “Türk xalqları hər zaman çox böyük və qədim mədəniyyətə malik olub. Tarixin heç bir dövründə türk xalqları kiminsə mədəniyyətini mənimsəməyib, çünki malik olduğumuz mədəniyyət bütün dünyanı heyrətə salır. Ancaq tarix boyu türk xalqlarının mədəniyyəti daim başqaları tərəfindən mənimsənilib, özününküləşdirilib”.

TÜRKSOY-un baş katibi Düsen Kasinov isə Azərbaycana bu tədbirə ev sahibliyi etməsi ilə əlaqədar təşəkkürünü bildirib.

Açılışda Məcnun Kərimovun rəhbərlik etdiyi Azərbaycan Dövlət Qədim Musiqi Alətləri Ansmablının çıxışı maraqla qarşılanıb. Daha sonra simpozium plenar və bölmə iclasları ilə davam etdrilib.

Dekabrın 17-də işini davam etdirəcək simpoziuma TÜRKSOY-a üzv ölkələrin, eyni zamanda Amerika, Avropa və Asiyanın bir sıra alim və filosofları qatılıb.