Mədəniyyət siyasəti

Ana səhifə

Mədəniyyət siyasəti

Şəkidə Bəxtiyar Vahabzadənin anım mərasimi keçirilib

09 fevral 2011 18:44 (UTC +04:00)

Şəki-Vüqar Heydərov-APA. Azərbaycanın xalq şairi Bəxtiyar Vahabzadənin vəfatının ildönümü ilə bağlı Şəki şəhərində anım mərasimi keçirilib. Bu barədə APA-nın Şəki-Zaqatala bürosuna Şəki şəhər İcra Hakimiyyəti aparatından məlumat verilib. Məlumatda bildirilir ki, anım mərasimi Şəki şəhər İcra Hakimiyyəti və Qafqaz Universitetinin təşəbbüsü ilə baş tutub. Mərasimdə B. Vahabzadənin yaxınları, Qafqaz universitetinin rektoru Əhməd Saniç, Şəki şəhər İcra Hakimiyyətinin başçısı Murad Cabbarlı, Şəki ŞİH başçısının təhsil, səhiyyə və mədəniyyət məsələləri üzrə müavini Zərinə Cavadova, Şəki ziyalıları, müvafiq təşkilat nümayəndələri iştirak edib. Tədbir iştirakçıları ilk öncə xalq sairi B. Vahabzadənin adını əbədiləşdirmək məqsədi ilə Şəki şəhərində salınmış parkda olub, B. Vahabzadənin büstü önünə gül-çiçək qoyublar. Daha sonra mərasim iştirakçıları tədbirim rəsmi hissəsinə qatılıblar. Tədbiri giriş sözü ilə açan Zərinə Cavadova və çıxış edən digər natiqlər B. Vahabzadənin həyat və yaradıcılığı, fəaliyyəti barədə mərasim iştirakçılarına geniş məlumat verib. Mərasimdə sairin seirləri oxunub, şeirlərinə bəstələnən mahnılar səslənib.