Mədəniyyət siyasəti

Ana səhifə

Mədəniyyət siyasəti

Azərbaycanın “Eurovision-2012” mahnısında muğam partiyasını Alim Qasımov ifa edir

17 mart 2012 16:00 (UTC +04:00)

APA-nın «Eurovision.az» saytına istinadən yaydığı xəbərə görə, mahnı sevgi fəlakəti və onunla bağlı dərin ağır tәәssüratlar haqqında dramatik hekayədir. İncә, eyni zaman məzmunlu melodiya və emosional partlayışlar bir-birinin ardınca gələrək Səbinənin səsinə xas olan geniş diapazonu, qüvvәtli tembr xüsusiyyətlərini açır. «When the Music Dies» - Avropa musiqisinin son tendensiyaları və Azərbaycanın milli ənənələrinin unikal birləşməsidir. Mahnı yazısında Azərbaycan etnik alətləri - kamança, balaban, dəf və qaval zərb alətlərinin səsi, eləcə də unikal muğam vokal ifasının elementləri istifadə olunub. Etnik partiyaların yazısında Oqtay Şərifov, Sərxan Vahabov, Azərbaycanın əməkdar artisti Şirzad Fətəliyev və Yaşar Baxış, Azərbaycan musiqiçiləri cəlb olunub, muğam partiyasını isə Alim Qasımov ifa edir.

«When The Music Dies» mənim üçün xüsusi bir mahnıdır. Mən onu qəlbimin hər küncü ilə hiss edirəm. Onu hər dəfə ifa edəndə hekayəti bir daha da yenidən yaşayıram. Məncə, bu cür təəssüratları hamımız hiss etmişik. Əminəm ki, musiqi heç vaxt ölməməlidir, çünki bizə heç nəyə baxmayaraq yaşamağa kömək edir», - deyə Səbinə mahnı barədə söyləyib.

Mahnının müəllifləri Stefan Örn, Anders Baqqe, Sandra Kronland və Yohan Byorman olublar. Məhz Stefan Örn və Sandra Byorman «Eurovision-2011»-də Azərbaycan üçün qələbə bəxş edən «Running Scared» mahnısını yaradıblar. «When the Music Dies» mahnısının ingilis dilində əsas versiyası ilə yanaşı yerli radio, televiziya və İnternetdə səsləndirilmə üçün Azərbaycan dilində də yazılışı nəzərdə tutulur.

«When the Music Dies» mahnısına klipin premyerası martın 19-da Eurovision.tv, eləcə də müğənninin rəsmi saytında (sabina.eurovisiontalents.com) keçiriləcək.