Mədəniyyət siyasəti

Ana səhifə

Mədəniyyət siyasəti

“Eurovision”-un Məşvərət Qrupu San-Marinoya xəbərdarlıq edib

19 mart 2012 06:45 (UTC +04:00)

APA-nın müsabiqənin rəsmi internet saytına istinadən yaydığı xəbərə görə, bu xəbərdarlıq ölkə təmsilçisinin builki şouda ifa etməsi üçün seçilən “Facebook Uh, Oh, Oh” mahnısı ilə əlaqədardır.
Məşvərət Qrupu tərəfindən müzakirəyə çıxarılan mahnının müsabiqənin qaydalarına zidd olduğu bildirilib. Avropa Yayımları Birliyinin (EBU) müsabiqəylə bağlı müəyyən olunmuş qanunlarına görə, yarışmada səslənən mahnıların sözləri və ifaları şouya, eləcə də d EBU-ya nüfuzuna mənfi təsir göstərməməlidir. “Eurovision” mahnı müsabiqəsində siyasi və ona bənzər sözlər, ifadələr, jestlərdən istifadə etmək qadağandır. Mahnıda söyüş və digər qəbuledilməz sözlərdən, ticarət və ona bənzər ismarışlardan istifadə etmək olmaz.
Məşvərət Qrupu qərar verib ki, adına və burada “facebook” sözünün təkrar istifadəsinə görə San-Marino mahnısını dəyişdirilməlidir. Bildirilir ki, bu mahnının içində ticari ismarış var, buna görə də “Eurovision” mahnı müsabiqəsi üçün münasib deyil.
Ölkənin yayımçı televiziyası olan “SMRTV”nin iştirakı ilə yayımçılar ya mahnının sözlərini dəyişib “facebook” sözünü çıxarmalı, ya da yeni mahnı ilə çıxış etməlidir.
San-Marinoya yeni mahnının təqdim etməsi üçün martın 22-si saat 12:00-a qədər vaxt verilib.

“Eurovision”