Mədəniyyət siyasəti

Ana səhifə

Mədəniyyət siyasəti

“Eurovision-2012”-nin sabah Bakıda keçiriləcək püşkatması canlı yayımlanacaq - FOTO

“Eurovision-2012”-nin sabah Bakıda keçiriləcək püşkatması canlı yayımlanacaq - <font color=red>FOTO</font>

19 mart 2012 15:04 (UTC +04:00)

Yan Ola Sand: “Biz inanırıq ki, may ayında Bakıda fantastik şou olacaq”

Bakı. Ülkər Rəşidqızı – APA. “Biz inanırıq ki, may ayında Bakıda fantastik şou olacaq”. “Eurovision-2012” mahnı müsabiqəsinin (ESC) İşçi Qrupundan APA-ya verilən məlumata görə, bu sözləri bu gün Bakıda keçirilən «Eurovision – 2012» iştirak edən 42 ölkənin nümayəndə heyətlərinin toplantısında ESC-in rəhbəri Yan Ola Sand deyib.
Nümayəndə heyətlərinin rəhbərlərinə «Eurovision-2012»nin keçiriləcəyi “Baku Crystal Hall” və buradakı şou barədə məlumat verilib. Bildirilib ki, bu şouda Avropa televiziyalarında bu günədək istifadə olunmayan işıqlandırma sistemi tətbiq ediləcək. Eyni zamanda builki postkardların da (iştirakçı ölkələrin çıxışlarından əvvəl yayımlanan videoçarx) fərqli üslubda olacağı nəzərə çatdırılıb. Azərbaycanın ev sahibliyi etdiyi şouda bütün 42 postkard müsabiqənin ev sahibinə aid olacaq.

İki gün davam edəcək iclasın yekununda püşkatma keçiriləcək. Bu püşkatma nəticəsində birinci və ikinci yarımfinallarda çıxış edəcək ölkələrin, eləcə də birbaşa finalda çıxış edən 6 ölkənin çıxış ardıcıllığı müəyyən ediləcək. Püşkatma mərasimi Bakı vaxtı ilə 14.00-da başlayacaq və eurovision.tv ilə canlı yayımlanacaq.

Eurovision