Mədəniyyət siyasəti

Ana səhifə

Mədəniyyət siyasəti

Azərbaycanın «Eurovision» mahnı müsabiqəsi üzrə rəsmi fan klubunun prezidenti: «Klubumuza üzv olmaq üçün çoxsaylı müraciətlər edilir» - FOTO

Azərbaycanın «Eurovision» mahnı müsabiqəsi üzrə rəsmi fan klubunun prezidenti: «Klubumuza üzv olmaq üçün çoxsaylı müraciətlər edilir» - <font color=red>FOTO </font>

22 mart 2012 16:22 (UTC +04:00)

Bakı. Ülkər Qasımova– APA. “Azərbaycan “Eurovision-2012” mahnı müsabiqəsində qalibiyyət qazandıqdan sonra ölkəmizin rəsmi fan-klub üzvlərinin sayı 50-dən 150-yə qalxıb”. Bunu APA-ya açıqlamasında Azərbaycanın müsabiqə rəsmi fan-kluu olan “Ogae Azerbaijan”ın prezidenti Fariz Qasımlı deyib. O bildirib ki, qalibiyyətdən dərhal sonra çoxsaylı insanlar fan-kluba üzv olmaq üçün müraciətlər alıb. Hazırda Azərbaycanın rəsmi fan-klubunda yerli vətəndaşlardan başqa, 5 alman, 6 rusiyalı, 1 polşalı üzv olub. F.Qasımlının sözlərinə görə, Avropanın ə böyük musiqi bayramı olan “Eurovision”un bu gün rəsmən 10 minə yaxın fan ordusu var: “Ogae klubların üzvü olanlardan başqa rəsmən təsdiqlənməmiş üzvləri də siyahıya alsaq bunu sayıb bitirmək belə çətindir. Ogae klubları arasında ən çox üzvlüyə sahib olan Almaniyadır və bu ölkə yeganə ölkədir ki, iki fan-klubu fəaliyyət göstərir. “Ogae-Azerbaijan”ı yaradarkən birə 20 nəfər lazım idi, amma biz bu sayı belə əldə edə bilmirdik. Lakin bu il müraciətlərin sayı bitmək bilmir. Hazırda Azərbaycan gənc klublardan biri olmasına baxmayaraq, il ərzində artıq böyük Ogae-lardan birinə çevrilib».

2003-cü ildən eitbarən «Eurovision» yarışmasında canlı iştirak edən «Ogae Azerbarbaijan»ın prezidentinin ilk üzv olduğu fan-klub Almaniyanın Ogae-i olub. Bu kluba üzv olduqdan sonra isə F. Qasımlı artıq bu prosesi öyrənib və Azərbaycanın da bu müsabiqədə gələcəkdə iştirakını arzulayaraq 2007-ci ildə bir neçə azərbaycanlı ilə birgə «Ogae Azerbaijan»ı yaratmaq qərarına gəlib: «Biz bu klubu yaratmaq istəyərkən, təbii ki, Azərbaycanda heç kəs «Eurovision» haqqında yetəri məlumata sahib deyildi, bu yarışmadan məlumatsız idi və çoxsaylı insanlar buna yalnız TV şou kimi yanaşırdı. Əsil fan atmosfer yaradan insanların sayı çox az idi. Biz isə həmin vaxt məcburən süni halda insanları cəlb etməyə başladıq. Baxmayaraq ki, 2007-ci ildə bu qərarı verdik, digər Ogae-lar 2008-ci ildə «Ogae-Azerbaijan»ın yaradılması barədə qərar qəbul etdilər. Bu da Moskvada keçirilən Ogae prezidentlərinin iclasında oldu. Məhz həmin ildə çox uğurlu iştirakdan sonra üzvlərimizin sayı artmağa başladı, aktiv statusumuz isə 2009-cu ildə yaradıldı».

F. Qasımlıdan onu da deyib ki, bu günə kimi də Bosniya və Hersoqovina, Latviya kimi ölkələrdə Ogae klubu yoxdur və bu hal digər klublara problemlər yaradır: «Ogae-Azerbaijan»ın üzvü olmaq kifayət deyil. Bu klubun üzvü olmaq böyük məsuliyyətdir. Ogae-a üzv olmağı çox da asan bilməsinlər. Çünki seçim edərkən çox şeylərə diqqət edirik. Ən əsası üzvümüz olmaq istəyənin kifayət qədər «Eurovision» təcrübəsi, savadı, marağı, fantazisyasına diqqət edirik. Hamını Ogae-a üzv etmək qeyri –mümkündür, eyni zamanda bu çox böyük məsuliyyətdir. Artıq «Ogae-İnternational» Parisdə hüquqi qismində qeyd olunur və bütün aktiv Ogae-lar o təşkilatın üzvüdür. EBU fanların toplaşdığı yalnız OGAE klubunu rəsmən tanıyır». MDB ölkələri arasında iki aktiv – Azərbaycan və Rusiyanın Oage klubu fəaliyyət göstərir. F.Qasımlı onu da bildirib ki, bu günə kimi ən möhtəşəm “Eurovision” yarışmasının məhz Azərbaycanda keçiriləcəyinə inanır.

Eurovision