Mədəniyyət siyasəti

Ana səhifə

Mədəniyyət siyasəti

Şəki Xan Sarayının 250 illik yubileyi təntənəli şəkildə qeyd edilib - FOTOSESSİYA

Şəki Xan Sarayının 250 illik yubileyi təntənəli şəkildə qeyd edilib - <font color=red>FOTOSESSİYA</font>

04 iyul 2012 14:38 (UTC +04:00)

Şəki. Ülkər Rəşidqızı – APA. İyulun 4-də Şəki şəhərində Şəki Xan Sarayının 250 illik yubileyi təntənəli şəkildə qeyd edilib. APA-nın məlumatına görə, tədbirdə mədəniyyət və turizm naziri Əbülfəs Qarayev, Şəki şəhər İcra Hakimiyyətinin başçısı Elxan Usubov, milət vəkili, tarixçi Yaqub Mahmudov, Kubanın, Litvanın, Braziliyanın, Pakistanın və digər ölkələrin Azərbaycandakı səfirləri iştirak ediblər.

Yubiley günündə qonaqları rəmzi “xan” salamlayıb. Xan geyimindəki incəsənət ustası bu günün Azərbaycan xalqı üçün böyük bayram olduğunu bildirib. Daha sonra “xan” sarayın qarşısında xüsusi olaraq hazırlanmış taxtda əşləyib.

Tədbirdə çıxış edən nazir Ə. Qarayev deyib ki, Şəki Xan Sarayının, eləcə də Naçıvanda yerləşən Möminəxatun türbəsinin UNESCO-nun maddi-mədəni irs siyahasına daxil edilməsi ilə bağlı işlər aparılır.

Yubiley tədbirində Azərbaycan incəsənət ustalarının iştirakı ilə konsert proqramı təşkil edilib. Nazirə Şəki Xan Sarayının əks etirən rəsm əsəri hədiyyə edilib.

Yubiley münasibətilə sarayın qarşısında xüsusi atlılar, sərkərdələr qonaqları salamlayıb və xüsusi yarmarka təşkil edilib.