Mədəniyyət siyasəti

Mədəniyyət siyasəti

Nazir: “Cənab prezidentin apardığı regional inkişaf siyasətinə mədəniyyət və turizm sahəsində dəstək vermək bizim üçün əhəmiyyətlidir”

26 iyul 2012 15:37 (UTC +04:00)

Biz mütəmadi olaraq yerlərdə bu cür iclaslar, tədbirlər keçririk”. APA-nın Qərb bürosunun məlumatına görə, bu açıqlamanı jurnalistlərə mədəniyyət və turizm naziri Əbülfəs Qarayev verib.

Nazirliyin Şəmkirdə səyyar kollegiya keçirməsinə aydınlıq gətirən nazir qeyd edib ki, bu cür iş üslubu yerlərdə gedən çox dəyərli işlərə yeni bir təkan verir: “Bu həm də bölgələrin yeni bir gözlə təhlil olunmasına imkan verir. Bilirsiniz ki, 2009-cu ildə biz Gəncədə Qərb bölgəsində yerləşən rayonların mədəniyyət və turizm sahəsində gördükləri işləri təhlil etmişdik. O zaman müvafiq tapşırıqlar verildi və müəyyən işlərin görülməsi nəzərdə tutuldu. Bu gün keçirəcəyimiz səyyar kollegiya iclasında həmin göstərişlərin yerinə yetirilməsi, həm də müasir dövrün irəli sürdüyü tələblərin yerinə yetirilməsi məsələsi müzakirə olunacaq. Cənab prezidentin apardığı regional inkişaf siyasətinə mədəniyyət və turizm sahəsində dəstək vermək və bunun yeni tələblərə cavab verən bir üslubla aparılması bizim üçün əhəmiyyətlidir”.

Əbülfəs Qarayev Şəmkirdə çoxlu tarixi abidələrin mövcud olduğunu xatırladıb: “Bilirsiniz ki, Şəmkir rayonunda çoxlu tarixi abidələr mövcuddur. Burada böyük miqyaslı yenidənqurma və abadlıq işləri görülür. Eyni zamanda burada yerləşən tarixi abidələrə hörmətlə yanaşma günün tələbidir. Hesab edirəm ki, bu gün bu məsələlər geniş şəkildə müzakirə olunmalıdır”.