Bakı. Cavid Zeynallı – APA. Mədəniyyət və Turizm Nazirliyi Avropa Şurasının Mədəni Marşrut Layihələrindən olan “Yəhudi İrsi üzrə Avropa marşrutu” beynəlxalq mədəni turizm layihəsinə qoşulub. Nazirliyin informasiya və ictimaiyyətlə əlaqələr şöbəsindən APA-ya verilən məlumata görə, Avropa Yəhudi Mədəniyyəti və İrsinin Qorunması və Təbliğatı Assosiasiyasının (AEPJ) təşkilatçılığı ilə həyata keçirilən layihəyə hazırkı dövrədək Portuqaliya, İspaniya, İtaliya və Fransa kimi ölkələr qoşulub, 22-yə yaxın Avropa ölkəsi tərəfdaş qismində çıxış edir.
Layihəyə üzv olmaq məqsədilə ilk olaraq nazirlik tərəfindən Azərbaycanda mövcud olan Yəhudi İrsi üzrə müvafiq proqram hazırlanıb. Proqrama paytaxt Bakı ilə yanaşı Qubadakı Qırmızı Qəsəbə, Lahıc, Qəbələ, Oğuz kimi regionların turizm potensialı barədə məlumat, orada fəaliyyət göstərən yerli sinaqoqlarla tanışlıq da əlavə olunub. 2016-cı ilin mart ayında Assosiasiyanın ekspertlərinin proqram üzrə Azərbaycana səfəri nəzərdə tutulur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
