Bakı. Cavid Zeynallı - APA. Yanvarın 10-da Azərbaycan Dövlət Akademik Opera və Balet Teatrında SSRİ xalq artisti, bəstəkar Fikrət Əmirovun “Sevil” operasının tamaşası keçiriləcək.
Teatrın mətbuat xidmətindən APA-ya verilən məlumata görə, Cəfər Cabbarlının eyniadlı pyesinin motivləri əsasında yazılmış opera tamaşasında əsas partiyalar – Sevil və Balaşı ilk dəfə olaraq əməkdar artistlər İlahə Əfəndiyeva və Fərid Əliyev tərəfindən ifa olunacaq.
Tamaşada həmçinin əməkdar artistlər Səbinə Əsədova (Gülüş), Gülnaz İsmayılova (Dilbər), Cahangir Qurbanov (Atakişi) və s. iştirak edəcəklər.
Səhnə əsərini Əyyub Quliyev idarə edəcək.
Qeyd olunub ki, indiyədək tamaşada milli vokal sənətimizin bir sıra görkəmli nümayəndələri – Rəşid Behbudov, Azər Zeynalov, Xuraman Qasımova, Şahlar Quliyev və b. əsas rollarda çıxış ediblər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
