Bakı. Cavid Zeynallı - APA. Türkiyəli yazar Kahraman Tazeoğlu Azərbaycana səfər edəcək.
APA-nın məlumatına görə, “Hədəf Nəşrləri”nin dəvəti, “Kitabevim.az” mağazalar şəbəkəsinin təşkilatçılığı ilə baş tutacaq səfər çərçivəsində aprelin 11-də şairin “XAN” nəşriyyatı tərəfindən Azərbaycan dilinə çevrilmiş "Bukre" romanı və “Səni içimdən tərk edirəm” şeir kitablarının imza günü keçiriləcək.
Aprelin 12-də Kitabevim.az mağazalar şəbəkəsində K. Tazeoğlunun “Şeir gecəsi” təşkil olunacaq. Tədbirdə oxucular şairin şeirlərini öz dilindən eşidə biləcəklər.
Qeyd edək ki, K. Tazeoğlu 1969-cu ildə İstanbul şəhərində anadan olub. İş fəaliyyətinə radio aparıcısı kimi başlayan Kahraman Tazeoğlu 2001-ci ildən bədii-yaradıcılığa başlayıb. Bu günə kimi “Seni içimden terk ediyorum” , “Ölü bir kentin morq alfabesi” , “Mavi ada mektupları” , “Tutsak mektuplar” , “Araz” , “Susacak ev” , “Mavi ev” , “Beni susarken bölme” , “Başka” , “Eyvallah” , “Kayıp Yüzyılın prensesi” , “Bambaşka” kimi kitabların müəllifidir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
