Bakı. Könül Cəfərli – APA. İran-İraq-Suriya təbii qaz boru xəttinin inşasına başlanıb. APA-nın İRİB-ə istinadən məlumatına görə, bu barədə İranın qərbində yerləşən Qərbi Gilan şəhərinin valisi Ərdəşir Rüstəmi açıqlama verib.
Onun sözlərinə görə, kəmərin çəkilişinin 50%-lik hissəsi Qərbi Gilan tərəfindən qarşılanacaq.
Ə.Rüstəmi bildirib ki, 3 mlrd. dollar məbləğindəki 225 km-lik layihə çox mühümdür: “Bu layihə başa çatdıqdan sonra İraq və Suriyanın böyük hissəsi təbii qazla təmin olunacaq və İran mavi yanacağı bu ölkələrin iqtisadi inkişafında da mühüm rol oynayacaq”.