Bakı. Könül Cəfərli - APA. İran polisi ölkənin Cənub-Şərq hissəsində, Pakistanla sərhəddə keçirdiyi əməliyyat nəticəsində qaçaqmalçılardan ümumilikdə 11 tondan çox müxtəlif narkotik maddə ələ keçirib.
APA-nın məlumatına görə, qaçaqmalçılardan ibarət dəstə dəvə karvanı ilə Pakistandan gətirdikləri narkotiki İrana keçirərkən həbs edilib. Əməliyyat zamanı polisin açdığı atəş nəticəsində 1 qaçaqmalçı ölüb, bir neçəsi isə yaralanıb.