Şəki. Vüqar Heydərov-APA. Şəki şəhərində yanğın hadisəsi baş verib. Fövqəladə Hallar Nazirliyinin(FHN) Şəki şəhər Yanğından Mühafizə Hissəsindən APA-nın Şəki-Zaqatala bürosuna verilən məlumata əsasən, yanğın Şəki şəhəri Dadaş Bünyadzadə, 71 ünvanında, Səlimov Mehman Bəşir oğlunun yaşadığı evin həyətyani sahəsində tikilmiş, ümumi sahəsi 30 kv/m olan mal tövləsində baş verib. Hadisə yerinə FHN-nin Şəki şəhər YMH-nin əməkdaşları və texnikası cəlb edilib. Yanğın nəticəsində tövlənin dam örtüyünün yanar konstruksiyaları və damına yığılmış 5 ton quru ot bağlaması yanıb. Yanğınsöndürənləri səyi nəticəsində yanğının genişlənərək yaxınlıqdakı tikililərə keçməsinin qarşısı alınıb. Fakla bağlı FHN-nin Şəki şəhər YMH-də araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
