Bakı. Vahab Rzayev – APA-Economics. Ötən il «İpək yolu» nəqliyyat dəhlizinin Azərbaycan hissəsində 59,0 mln. ton və ya əvvəlki illə müqayisədə 3,8% çox yük, 285,2 mln. nəfər və ya 9,3% çox sərnişin daşınıb. «APA-Economics»in xəbər verdiyi kimi, bu barədə Dövlət Statistika Komitəsinin məlumatında deyilir.
Dəhlizlə daşınmış yüklərin 46,5%-i avtomobil, 36,2%-i dəmir yolu, 17,3%-i dəniz nəqliyyatının payına düşüb. Avtomobil nəqliyyatında 9,0%, dəmir yolu nəqliyyatında 0,2% artım qeydə alınıb.
Dəhliz vasitəsilə daşınmış yüklərin 25,0%-ni və ya 14,8 mln. tonunu tranzit yüklər təşkil edib.
Dəhliz çərçivəsində yükdaşıma fəaliyyətindən 476,3 mln. manat, sərnişindaşımadan isə 106,5 mln. manat gəlir əldə olunub və bu göstəricilər müvafiq olaraq 7,5% və 15,8% artıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
