Bakı-APA. Ukrayna prezidenti Pyotr Poroşenko ölkənin cənub-şərqində güc strukturları tərəfindən aparılan hərbi əməliyyatların iyunun 27-dək dayandırılacağını bəyan edib.
APA-nın İTAR-TASS agentliyinə istinadən verdiyi xəbərə görə, bu barədə Ukrayna XİN-inin rəsmi saytı məlumat yayıb.
“Terroristlər silahı yerə qoymalıdırlar. Bunu etməyənlər məhv ediləcəklər” – deyə Poroşenko bildirib.
Ukrayna prezidenti qeyd edib ki, atəşkəs müddətində hərbi əməliyyatlar yalnız cavab atəşi xarakterində mümkün ola bilər.