Bakı. Könül Kamilqızı – APA. Bu ilin ilk aylarında 63 nəfər dəm qazından zəhərlənmə ilə bağlı Klinik Tibbi Mərkəzə müraciət edib.
Səhiyyə Nazirliyi Klinik Tibbi Mərkəzin (KTM) Toksikologiya şöbəsinin müdiri Azər Maqsudov APA-ya açıqlamasında deyib ki, onlardan 51-i xəstəxanaya yerləşdirilib, qalanları evə buraxılıb. Xəstəxanaya yerləşdirilənlərin yarıdan çoxu, 60-65%-i qadın olub. Dəm qazından zəhərlənəndən 3-nün isə uşaq olduğu bildirilib. Zəhərlənmələrdən ölüm halı qeydə alınmayıb.
A.Maqsudov qeyd edib ki, ötən illə müqayisədə bu il dəm qazından zəhərlənmələrin sayı azdır: "Ötən ilin müvafiq dövründə müraciətlər daha çox idi. Bu da əsasən havaların isti keçməsi ilə əlaqədardır”.