Bakı. Vüsal Nəbiyev - APA-Economics. "Turkish Airlines" Gürcüstanın bazarının mütləq lideridir.
"APA-Economics" xəbər verir ki, cari ilin I rübünün yekunlarına əsasən, Türkiyənin aviadaşıyıcısı Gürcüstanda hava nəqliyyatı ilə sərnişin daşınmasının 21%-ə nəzarət edir.
İkinci yerdə 13%-lə Ukraynanın "FlyUIA" aviaşirkəti qərarlaşıb.
Maraqlıdır ki, Gürcüstanın "Georgian Airways" bazarda 9%-lik paya malikdir.
İlk beşlikdə Türkiyənin iki şirkəti yer almağı bacarıb. Belə ki, aşağı büdcəli "Pegasus Airlines" bazarın 8%-ə nəzarət edir.
Beşinci yerdə 7%-lə Rusiyanın "S7" aviaşirkəti qərarlaşıb.
Onu da qeyd edək ki, AZAL-ın Gürcüstan bazarındakı payı 3%-dir.