Bakı. Ramiz Mikayıloğlu - APA. “Bu gün Türkiyənin baş naziri Azərbaycana rəsmi səfərə gəlib, bu səfər iki ölkə arasında münasibətlərin inkişafı üçün önəmlidir. Əminəm ki, Türkiyə hökuməti əlaqələrin inkişafı üçün bizimlə birgə çalışacaq”.
APA-nın məlumatına görə, bu sözləri Azərbaycanda rəsmi səfərdə olan Türkiyənin baş naziri Binəli Yıldırımla geniş tərkibli görüşdən sonra mətbuat üçün verilən birgə bəyanatda Azərbaycan prezidenti İlham Əliyev deyib. O bildirib ki, bu gün iki ölkə əlaqələri ən yüksək səviyyədədir: “Bu il 3 dəfə Türkiyəyə səfər etmişəm, qarşılıqlı səfərlər də nəzərə alınanda, ümumilikdə 5 yüksək səviyyəli görüş keçirilib. Dünyada Türkiyə və Azərbaycan qədər bir-birinə yaxın iki ölkə tapmaq çətindir. Bu yaxınlarda İslam Əməkdaşlıq Təşkilatının zirvə görüşü çərçivəsində Dağlıq Qarabağ münaqişəsi ilə bağlı təmas qrupu yaradılıb. Bu qərarın qəbul olunmasında Türkiyənin böyük rolu olub”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
