Lənkəran. Ağəddin Babayev - APA. Azərbaycanın səhiyyə naziri Oqtay Şirəliyev bu gün Lənkəranda vətəndaşları qəbul edib.
APA-nın cənub bürosunun məlumatına görə, Mərkəzi Rayon Xəstəxanasında keçirilən qəbul zamanı Lənkəranla yanaşı, Astara, Biləsuvar, Cəlilabad, Masallı, Cəbrayıl, Lerik və Yardımlı rayon sakinlərinin müraciətləri dinlənilib, onları maraqlandıran suallar cavablandırılıb. 40-a yaxın vətəndaşın iştirak etdiyi görüşdə onların müalicəsi, işlə təmin edilməsi və digər müraciətlər üstünlük təşkil edib. Səhiyyə Nazirliyinin səlahiyyətinə aid olmayan müraciətlər isə aidiyyəti orqanlara göndərilməsi üçün qeydiyyata alınıb.