APA-nın “BelTA” agentliyinə istinadən verdiyi məlumata görə, bunu oktyabrın 21-də Minskdə MDB ölkələrindən olan bəzi KİV rəhbərləri ilə görüşündə Belarus prezidenti Aleksandr Lukaşenko deyib.
A. Lukaşenko bildirib ki, Azərbaycan və Belarus arasında qapalı mövzu yoxdur: “Mən Bakıya gedəndə hərbi-texniki məsələlərdən tutmuş energetika məsələlərinə qədər bütün sahələr üzrə əməkdaşlığa dair dialoq aparacağıq”.
İlham Əliyevi Minskə səfər gözlədiyini qeyd edən Belarus lideri onunla bəzi problemli məsələləri müzakirə edəcəyini deyib: “Bu, bir növ mənim Bakıya səfərim ərəfəsində ilkin danışıqlar olacaq”.
Qeyd edək ki, oktyabrın 25-də Minskdə MDB dövlət başçılarının sammiti keçiriləcək. Oktyabrın 24-də isə MDB Xarici işlər nazirləri Şurasının iclası olacaq.