Quba. Vəli Turan - APA. Bu gün günorta saatlarında Quba rayonu ərazisində yol-nəqliyyat hadisəsi baş verib.
APA-nın şimal bürosunun verdiyi məlumata görə, qəza Quba-Xaçmaz yolunun Alekseyevka kəndi ərazisində qeydə alınıb.
Quba rayon sakini Yusif Nöhbalayevin idarə etdiyi “Nissan” markalı avtomaşınla “VAZ 21015” markalı avtomobil toqquşub.
Nəticədə “VAZ 21015”-də olan iki nəfər müxtəlif bədən xəsarətləri alaraq Quba Mərkəzi Rayon Xəstəxanasına yerləşdirilib.
Faktla bağlı Quba rayon Polis Şöbəsində araşdırmalar aparılır.