Bakı – APA. Azərbaycan millisinin voleybolçusu Yana Kulanın (Ağayeva) yeni mövsümdə də Bakı klublarında oynamayacağı dəqiqləşib. Apasport.az saytının məlumatına görə, 28 yaşlı hücumçu karyerasını Türkiyədə davam etdirəcək.
Ötən mövsümün sonunu II liqada oynayan “Balıkesir”də keçirən milliləşdirilmiş voleybolçu 1 illik fasilədən sonra yenidən Superliqada oynayacaq. O, 2014/2015 mövsümündə şərəfini qoruduğu “Çanaqkala Bld” klubuna qayıdıb. Hazırda Fransada yığmamızın düşərgəsində olan təmsilçimiz köhnə-yeni komandası ilə 1 illik müqaviləyə imza atıb.
Qeyd edək ki, Yana Cənubi Koreyanın “Hyundai”, Polşanın “Atom” və Çinin “Beijung” klublarında da legioner həyatı yaşayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
