Bakının Sabunçu rayonunda ağır yol qəzası baş verib.
APA-nın xəbərinə görə, hadisə rayonun Kürdəxanı qəsəbəsində baş verib.
Qəsəbə sakini, 1996-cı il təvəllüdlü Əkbərov Şahzadə Təhməz oğlunun idarə etdiyi avtomobil idarəetməni itirərək ağaca çırpılıb.
Yaralı tanışlarının köməkliyi ilə 3 saylı Şəhər Klinik Xəstəxanasına çatdırılıb və həkim nəzarətinə verilib. Hazırda vəziyyəti ağır olaraq qalır.