Xəzər Rayon Polis İdarəsindən APA-ya verilən məlumata görə, idarə əməkdaşlarının keçirdikləri əməliyyat tədbirləri nəticəsində Lənkəran rayon sakinləri - Nahid Rəziyev, Samid Tahirov və Lerik rayon sakini Elnur Muradov şübhəli şəxs qismində tutulublar.
Araşdırmalarla müəyyən edilib ki, Nahid Rəziyevin başçılıq etdiyi dəstənin üzvləri soyuq silah və maska əldə edərək Şüvəlan qəsəbəsi bağlar massivində yaşayan Həşimova Şövkət Əli qızının evinə giriblər. Onlar qadına zor tətbiq edərək pul və qızıl tələb ediblər. Qadın qışqıraraq qonşuları səsləyib. Bundan sonra dəstə üzvləri evi tərk ediblər.
Faktla bağlı cinayət işi başlanıb, istintaq gedir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
